Jańalıqlar

BOZATAW RAYONÍ ABITURIENTLERI UShÍN QARAQALPAQSTAN MEDICINALÍQ INSTITUTÍNA QOSÍMShA GRANT ORÍNLARÍ AJÍRATÍLDÍ


Ózbekstan Respublikası bilimlendiriw mákemelerine oqıwǵa qabıllaw boyınsha Mámleketlik komissiyası májilisiniń 7-sanlı protokolı qararına muwapıq, joqarı maǵlıwmatlı medicina xızmetkerlerine bolǵan úlken zárúrlikti esapqa alıp, 2020-2021-oqıw jılı qabıllawında Qaraqalpaqstan medicinalıq institutı bakalavriatına belgilengen mámleketlik grant tiykarındaǵı qabıllaw kórsetkishlerine qosımsha tárizde Bozataw rayonı ushın mámleketlik grant tiykarında maqsetli 20 orın ajıratıldı.

Bul haqqında Ózbekstan Respublikası Prezidenti Sh.M.Mirziyoevtiń basshılıǵında 2020-jıldıń 6-noyabr kúni medicina tarawın rawajlandırıw boyınsha ótkerilgen májiliste tapsırmalar berilgen edi.

Bunda Mámleketlik test orayı bir kún múddette:

– Qaraqalpaqstan Respublikasınıń Bozataw rayonında turaqlı jasap atırǵan (turaqlı propiskada bolǵan), Qaraqalpaqstan medicinalıq institutınıń bakalavriat bilimlendiriw baǵdarlarına dizimnen ótiw dawamında birinshi joqarı oqıw ornı sıpatında saylap, test sınaqları nátiyjelerine muwapıq studentlikke usınıs etilmegen, biraq toplaǵan balları 56,7 ball hám onnan joqarı bolǵan abiturientlerdiń dizimin toplanǵan ballar izbe-izligine qatań ámel etken halda qáliplestiredi.

Eki kún múddette:

– tiyisli bakalavriat bilimlendiriw baǵdarları kesiminde test sınaqları nátiyjeleri betlerin qaǵazǵa shıǵarǵan halda belgilengen tártipte rásmiylestiriw ushın Qaraqalpaqstan medicinalıq institutına jetkeredi.

Islam Matekov.