Jańalıqlar

«MEN TAŃLAǴAN BILIM DÁRGAYÍ»


Usı jıldıń 23-oktyabr kúni “zoom” platforması arqalı Berdaq atındaǵı Qaraqalpaq mámleketlik universitetinde jańa oqıw jılında 1-kursqa qabıl etilgen studentlerge “Studentlik gúwalıǵı”n hám ilim-bilim esigin ashatuǵın “Altın gilti”n tapsırıw keshesi bolıp ótti.
Kesheni Qaraqalpaq mámleketlik universiteti rektorı Axmed Reymov ashıp berdi hám bárshe student jaslardı jańa oqıw jılı menen qutlıqlap, tasqın tabıslar tiledi.


Bunnan soń, pán olimpiadalarında, sport jarıslarında hám oqıwǵa joqarı ball toplap, mámleketlik grant tiykarında qabıl etilgen student jaslar saxnaǵa shıǵıp “Studentlik ant”ın qabıl etti.


Keshe dawamında bir qansha professor-oqıtıwshılar, húrmetli miymanlar sózge shıǵıp, bıyılǵı oqıw jılında joqarı ball toplap student bolıw baxtına miyasar bolǵan bir topar jaslarǵa “Studentlik gúwalıǵı”, “Altın gilt” hám de estelik sawǵaları saltanatlı túrde tapsırıldı.
Shet-tilleri fakultetiniń 1-kurs studenti S.Muratbaeva hám Qaraqalpaq filologiyası hám jurnalistikası fakulteti 1-kurs studenti A.Qırqbaev shıǵıp sóylep, bárshe teńleslerin tabısı menen qutlıqladı.


Ilaj kórkem-óner sheberleri hám student jaslardıń atqarıwındaǵı koncert baǵdarlamasına ulasıp ketti.

Azizbek Dabılov,
QMUdıń Qaraqalpaq filologiyası hám
Jurnalistika fakultetiniń 2-kurs studenti