Jańalıqlar

KEGEYLILI DANIYAR «SCB CHAMPIONShIP» BELBEWIN QOLǴA KIRITTI


Aldın xabar bergenimizdey, usı jıldıń 20-21-oktyabr kúnleri Tashkent qalasında sporttıń professional boks túrinen «SCB CHAMPIONShIP» belbewi ushın jarıs bolıp ótti.
Jarısta Kegeyli rayonlıq XBBne karaslı 23-sanlı ulıwma orta bilim beriw mektebiniń 8-klass oqıwshısı Perdebaev Daniyar 2006-jılı tuwılǵan jas óspirimler arasında 67 kg salmaq kategoriyasında sıylı 1-orındı iyelep, «SCB CHAMPIONShIP» belbewin qolǵa kiritip, Ózbekstan chempionı boldı.

– Men rayonımızdaǵı 1-sanlı Balalar-óspirimler sport mektebinde trenerim Spandiyar Sarsenbaev penen birgelikte turaqlı shuǵıllanıp kelemen. Jáhán chempionı bolıp, elimiz bayraǵın kóklerge kóteriw ushın bar kúsh-ǵayratım menen háreket etemen. Bul jeńisim ele baslanıwı, – deydi jas chempion Daniyar.