Jańalıqlar

14 jaslı Asadbek Ózbekstan chempionı boldı


Kúni keshe, 21 oktyabr kúni Tashkent qalasında sporttıń professional boks túrinen klublar arasında bolıp ótken Ózbekstan chempionatında Shımbay rayonlıq 36-sanlı qánigelestirilgen mámleketlik ulıwma orta bilim beriw mektebiniń áskeriy Watansúyiwshilik baǵdarına qánigelestirilgen klass oqıwshısı Genjemuratov Asadbek 1-orındı iyelep «SCB CHAMPIONShIP» belbawın jeńip alıp, 54 kg salmaq kategoriyasında Ózbekstan chempionına aylandı.
2017 jıldan baslap boks penen shuǵullanıp kiyatırǵan Asadbek, qısqa waqıt ishinde kóplegen turnir, ashıq chempionatlarǵa qatnasıp bir neshe márte joqarı nátiyjelerge eristi. Ustazı Baynazar Izbasarov penen turaqlı shuǵullanıp baradı. Ol házirde Shımbay balalar hám óspirimler sport mektebi tárbiyalanıwshısı.

– Bul belbaw maǵan ele de kúsh-quwat baǵıshlaydı. Keleshekte olimpiada chempionı bolıp bildirilgen isenimdi aqlaw tiykarǵı maqsetim, – deydi Asadbek Genjemuratov.