Daǵazalar

“Ncity” bul – hár birimiz ushın


Usı jıldıń 1-mart kúni Ózbekstan jaslar awqamı Qaraqalpaqstan Respublikalıq Keńesi hám Nókis qalası hákimligi tárepinen, Nókis qalası aymaǵındaǵı belgilengen orınlarda Nókis qalasın taza aymaq hám jasıl belbewli qalaǵa aylandırıw, jaslar sanasında ekologiyalıq mádeniyattı qáliplestiriw boyınsha jaslar baslamaların qollap-quwatlaw maqsetinde “Taza qala” (newcity, nukuscity) joybarı ámelge asırıladı.
Bul joybarda belgili kórkem-óner ǵayratkerleri, sportshılar, sonday-aq, Jaslar awqamı belsendileri, kewilli jaslardan ibarat bolǵan úgit-násiyat toparı dúziledi hám Nókis qalasınıń barlıq aymaqlarında joybardıń úgit-násiyat ilajlarında qatnasadı.
📌 Isshi topar járdeminde Nókis qalasındaǵı abadanlastırıw talap etilgen orınlarlardı anıqlaydi;
📌abadanlastırıw hám kóklemzarlastırıw ilajların ámelge asırıwshı “Kewilli jaslar otryadları” dúziledi hám hár bir otryadqa atamalar beriledi;
📌 “Kewilli jaslar otryadları”na mádeniyat xızmetkerleri, sportshı hám túrli tarawlardaǵı belsendiler biriktiriledi;
📌 Nókis qalasında anıqlanǵan obiektlerge otryadlar biriktiriledi;
📌 joybarda qatnasıp atırǵan hár bir jas 20 túp dekorativlik hám miywe nállerin egedi;
📌 abadanlastırıw belgilengen aymaqlardaǵı 2-jer júzilik urısı qatnasıwshıları, miynet veteranları, jalǵız baslı qariyalar halınan xabar alıw hám úy jumıslarında kómeklesiledi;
📌 joybar Nókis qalasındaǵı “El bayrag’i” maydanınan baslanıp, abadanlastırıw talap etiletuǵın obiektlerde dawam etedi;
📌 joybar juwmaqlawshı koncert baǵdarlaması hám joybar belsendilerin nominaciyalar arqalı xoshametlew menen juwmaqlanadı.

Joybarda belsendilik kórsetiwge asıǵıń!

Biz sizdi kútemiz!